اتحدك الدنيا وترجع وتحتاج    الحاجه اللي تعتبر كل حاجه

ماكل ميرادٍ يجي مثل هداج    ولا كل شوفة تعتبرها مواجه

الباب ستر إن كان قفْل بمزلاج    وان كان ضاع القفل سهل أنفراجه

وان كانك تقول البحر مابه امواج    غلطان واكبر من خطاك انتهاجه

وان كانك تقول المرض موته علاج    ياكم .. مريضٍ ما لقى له علاجه

وان كانك تقول الصبر مر واحراج    الصبر همّه والعزايم .. سياجه

لا تجحد المعروف لو كنت ب ابراج    و منبتك لا تنساه زوره .. وناجه

ولا تنكر افضال الرياجيل ب ازعاج    لا بد من يومٍ عصيبٍ .. تواجه

الكبر عفن .. وحط من دونه سياج    خلك سوات الترمذي وابن ماجه

لو غرتك .. دنياك ترجع وتحتاج    الحاجه اللي تعتبر كل حاجه

جميع الحقوق محفوظة لــ ديوان عبدالهادي ماثل | ™ ABDULHADI MATHEL

https://d55r.me