لي ثلاث أيـام مالي وجود ولا حضور     خاطري شاين وجافيت .. لذة مرقدي

يا غريب الوقت دوار ، والدنيا تدور     والبنادم في مسار / المقادير مهدي

القدر مكتوب والمسلم المؤمن صبور    لو عليه من المقادير ليـلٍ سرمدي

آه يابعض المقادير ليلٍ دون نور    تحْزن الطيب و يفرح بها القلب الردي

الضعوف اللي تدور على الطيب قصور    ألهجوا بـ الألسنه ، خلوا العلم أرعدي

بشروا ..حيانكـم .. يا محـرفـه الأمـور    ياعسى حبل التباشير عنكم .. يعقدي

يا غريب انا اشهد اني من الضيق معمو    اجهدي وانا اتململ على الصبر ، اجهدي

امتلى صدري من الضيق وكبار الشعور    الشعور اللي تراجد .. و خلاني أرجدي

فاقدن لي ( محزمٍ فـ الشدايد ما يبور    اتعزوابـه ، وأعانق به عنـان الجـدي

واضرب بسيفه وانا ممتلي كبر وغرور    انطقي يا وقفتي ، واشهدي له يا يدي

ذاك أبو ثامر عسى مايجافيه السرور    تنتهي عنده علومي .. و ترجع / تبتدي

اشهد انه دون ربعه عن الشدات سور     الملاذ اللي عليه الهقاوي .. تسندي

من نصاه بـ لازمه حط له رخصه عبور    نوم عينك لا نصيته و تبغى المنجدي

والله اني فدوته وادري اني في قصور    وان قصرت افداه ياجعل يفداه أولدي

مير انا وش حيلتي عن صواديف الشرور    ليتهم عمّا .. جراله يحطوني فـدي

كل مابي فدوته عن غياهيب الدهور    ابك اخوي اخوي لذّة زماني وأسعدي

غيبوه .. وسكروا .. دونه أبواب الظهور    وكبروا موضوعه وزادوا الديم أبردي

ليتهم عرفوا وقاره بـ خـافيـة .. الصدور     كان ما والله تجرّوا وهاشوا .. بـ العدي

جميع الحقوق محفوظة لــ ديوان عبدالهادي ماثل | ™ ABDULHADI MATHEL

https://d55r.me