الله من جرح القلوب العفيفه    والله من دمع العيون وبكاها



والله من همْ العيون الكفيفه    والله من ظلم الليال وجفاها



الوقت ظالم والليالي مخيفه    وذيك الليالي راح وأبعد مداها



التضحيه ف الحب كانت حليفه    من لا يضحي ينبري في رحاها



وحنا رضينا بالسلوم الشريفه    واخذنا القناعة واعتلينا سماها



ليت العتاب يفيد واكون ضيفه    واشرب دلاله واتسامر .. معاها



واقول له شوف المشاعر نظيفه    مشاعرٍ يمّه .. توقد لضاها



وشلون قبل العيد قفّت خفيفه    بأتفه سبب قفّت وقفّت خطاها



وشلون اعيد لا تذكّرت .. طيفه    لا وضمى روحي ومبدا شقاها



البارحه ياطبْ قلبي .. وريفه    ضاقت جفوني وانتثر كل ماها



دام المشاعر بيننا بـ النصيفه    وشلون نقتلها .. بقمّة عطاها ؟



الصده اللي دون سبّه .. كليفه    الله يقطعها ويقطع .. نباها



لكن قبل الرجل تنوي النكيفه    هذي حروفي ويتردد صداها



لا وهني اللي يعايد .. وليفه    عز الله ان عيده كمْل وايتباها

جميع الحقوق محفوظة لــ ديوان عبدالهادي ماثل | ™ ABDULHADI MATHEL

https://d55r.me