ياصاحبي عطني لـ هالوقت تآويل    هذا أنحـطاط الوقت وإلا إزدهـاره ؟



انا وقفْـــت .. ولا عـرفـت المداهيـل    ألـْد عينـي حيــن .. وأصـد تـاره !



الوقت يجري مثل مايجري السـيل    والعمْــر قافـيـه الفـنا فـي مـداره



اليـوم جيـل وفـيـه بكـره بعـد جيـل    جيـلٍ يفـوت وجيــل مقْـدم قطــاره



لا قامـت الدنيـا تسـوق الريـاجيـل    سوقٍ على المجهول ناهج مسـاره



أحــدٍ تسـوقـه [ للـدروب ] المقافيـل    وأحــدٍ تســوقـه للغنـى والتـجـاره



وأحـــدٍ تسـوقــه للعـنـا والغـرابـيـل    ماشـاف من دنيـاه غير الخسـاره



واحدٍ من الدنيا كسب له محاصيل    وأحــدٍ تعايـش بالوجيـه إسـتعـاره



وأحدٍ مكـرّس كل جهـده على القيل     نقّــال [ نــمّـه ] بيـن جــارٍ وجــاره



وأحدٍ على [ دينه ] يحسب المداخيل    الاخــره .. همّـــه وعيــن أعـتـبـاره



هذا .. كسـبــها ياكثيــر الاقـاويــل    وخير الكلام ان قلْ حجم أختصاره



يامنـزلْ القـرآن مـن بعـد الانـجيــل    ويامجــريٍ وقـتـك .. وعالــم قـراره



ويامهـلكٍ منـهـم يخسـرون بالكيـل    ويامحيي [ عزيراً ] ومحيي حماره



وياسامـعٍ دعـواي من دون تآجيـل     مابينـي وبـينـك حـجـاب وسـتـاره



راجيـك ياربـي مــن النـار والـويـل    النفـس ،، مسيـوقه بليـا إستشـاره



يارب ثبتنـي على [ الدين ] لا أميل    البُـعد عـن دينـك فـلا هـو شطـاره



عبـدك من ذنـوبه تهاوى به الحيـل    عبـدٍ ذليــلٍ ما أهتنـى فـي نهـاره

جميع الحقوق محفوظة لــ ديوان عبدالهادي ماثل | ™ ABDULHADI MATHEL

https://d55r.me