شفني من أوجاع الزمن ماني بخير=هذا يغيب وذاك ينسى العلاقه مدري وش الحاصل ومدري وش يصير=مدري ردات الحظ وإلا طفاقه ياناشدي وشلون بعطيك تعبير=والحال قدمك واضحٍ في نساقه أشرح وعطني للذي صار تفسير =مدام مالي فالذي صار طاقه احيان أورّدها على جمّة البير =وأفّرد من الزمل المواريد ناقه وأحيان تقفي بـ الحموله مظاهير=وليّت ياللي بارق البرق شاقه وأحيان لا أودي ولا أجيب تبرير=وأخذ من الأعذار وهن وحماقـه أسجْ وأوقف خطوتي وأعكس السير=وأزهد سنيني لا ذكرت الرفاقه وأشوف حلمي وأنطحه قدم وأغير=حلْم الهوى يوم الهـوى كان فاقـه ماضـي وروّح مثْـل ما روّح الطيـر=أوْمـى جناحـه وأبتـعـد في فراقـه

أدوات القصيدة

النسبة 2.56/5 (54اجمالي)

• 1
• 2
• 3
• 4
• 5