الكبير اللي .. تبسّـم ونــزّل مستــواه=ابتسامه ثوّرت من على .. القاع أغبره
إبتسامه خلت الحاسـد .. يزيد بعطاه=لعنبو قلب الحسد ما أسوده يامقشره
إبتسـامـه دوّنـت في .. تواريــخ الرواه= إتناقـلها البـشر .. وإتـسامـع بخـبره
يجـذب انظـار المطانيـخ ويـشد انتـباه=حيث ذكـره يلزمـك .. بالقوافـي تنشـره
ان مشى كن البسيطه تطوى من وراه =طي فرش تشارلز في قصور ادنبره
وان جلس ماكـنه إلا من .. كبار الـولاه =وكـن كرسـيّه سـجــد له وقــال المـعـذره
وان تفـوّه كنه الفيلسوف ابو الدهاه=المسامـع تـهتـوي كل حكـي .. بـ منبره
هيبته توزن [ جبال الفجيـره والسراه =هيبةٍ متـمركــزه كـل خصــمٍ تدحـره
صخّر الله هيبته وارعبت خـصم وعداه=هيــبةٍ ماهـي تمـيّـز رجـالٍ عن مـره
يطبخ راسه من العز ويـشوش بعصـاه=مايــزل الـدرب لا ، لا ولاهـو .. يطمــره
الذكــاء في حضـرته مايميّـز وش نــواه=مايصوب خـصمـه بقـد ماهو .. يذعــره
اشهد انه كامل العقل والحلمْ احتواه=يــوم غيــره .. ما لقـى مايســره بنّظــره
كمّلــة ربْ الخـلايــق وفـعــل الله .. نــراه =والحسد ياهل الحسد ماهو قدر المقدره
الحســد .. فـ قلوبكمـ ماوصلتـوا مُنتهـاه=والله يخيّــب ظنــون الحسـود .. ويعثــره
ياحسود إن كنت تعلم ترى الله في سماه =جلْ شانه معتلي .. تحت كرسيه اشجـره
العقـاب يجـيك وانــت على [ قيد الحياه=والعقـاب الآخـري .. وسـط قبـرك تزفــره
اذكر الله واطـلبه لجل .. ماتخسـر رضـاه=واذكر الله واحـمده .. واذكر الله واشكــره
والكبير كبيــر يكفـيك عن شــوفه [ نبـاه=والصغير صغير لو قام ينفخ فـ نحـره
اسعد الله لي صباحه ويسعدلي مساه=والله أنـه للـنشـامـا بيــارق مفــخــره
يفتخـر به كــل طيـب .. وينـهـج مبتـداه=الحـرار الوافـيــه .. ماتسـبّــه فـ ظـهـره
|
