الوقت يمضي والزمان يدور والعمْر يهلك=والصغير يقول بكبر .. والكبير يقول آآآه لا فطن للعمْر يصرخ يا زماني ما أعجلك=ليت عمري في يدي وأسترجع ايام الصباه لا تحسب ليا قضى عمْرك يعوّد لـ أولك=ما فات فات ومستحيل أنه يعاود مبتداه أما تحمل صاحبك وإلا صحيبك يحملك=فـ النهاية مالك إلا القبْر وأتلحف .. ثراه كل شيٍ تتركه فوق الثرى غير أعملك=وش تسوي في كتابٍ شافه الله وقراه يابن آدم ما اكبر غرورك غرورك يقتلك=تاخذ ايامك جهل والربْ ما تكسب رضاه تجهل الموت القريب وكنْ موتك يجهلك=ماجهلك الموت مير الله يمْهل .. للعصاه كل شيٍ ينتهي حتى مجرات الفلك=مايدوم إلا العزيز الواحد الاحد الأله يا إلهي ياعزيز العرش ماغيرك ملك=وش يكون العبد لامن الملك صد ونساه لك عبيدٍ فـ البسيطه ترتجيك وتسألك=لايذين برحمتك من سوء مانجهل خفاه

أدوات القصيدة

النسبة 2.9/5 (156اجمالي)

• 1
• 2
• 3
• 4
• 5